ટાઇપ 2 ડાયાબિટીઝના દર્દીઓને ફ્રી ઓનલાઇન માર્ગદર્શન

એનએચએસ ડાયાબિટીઝ પ્રોગ્રામના પ્રાયમરી કેર એડવાઇઝર અને લૂટનમાં જીપી તરીકે કાર્યરત ડો. ચિરાગ બખાઇ કહે છે કે, “તમને ટાઇપ 2 ડાયાબિટીઝ હોય તો તમે કેવી રીતે સ્વસ્થ રહી શકો તથા અન્ય તકલીફો કેવી રીતે દૂર રાખી શકો તે જાણવું તમારા માટે જરૂરી છે. તેમાં સહાય માટે ધ હેલ્ધી લિવિંગ પ્રોગ્રામ નિવડેલા સાધનો અને માહિતી આપે છે, આ તમામ માર્ગદર્શન ઓનલાઇન છે, તેથી તમારી અનુકૂળતા મુજબની ઝડપે અને સમયે તમે એની વિગતો જાણી શકો છો.”

ઇંગ્લેન્ડમાં ડાયાબિટીઝના દર્દીઓમાંથી 90 ટકા લોકોને ટાઇપ 2 ડાયાબિટીઝ છે. ટાઇપ 2 ડાયાબિટીઝ થવાના જોખમી પરિબળોમાં પારિવારિક વારસો, શરીરનું વજન વધારે પડતું હોવું અથવા સ્થૂળતા અને સાઉથ એશિયન સમુદાયના હોવાનો સમાવેશ થાય છે.

“હેલ્ધી લિવિંગ” નામના ઓનલાઈન પ્રોગ્રામ દ્વારા NHS ટાઈપ 2 ડાયાબિટીઝના પુખ્ત વયના દર્દીઓને વિના મૂલ્યે સહાય કરે છે. તમે ટાઈપ 2 ડાયાબિટીઝના દર્દીની સંભાળ રાખતા હો તો તમે પણ અમારા પ્રોગ્રામમાં જોડાઇ શકો છો. આ પ્રોગ્રામનો હેતુ તમને ટાઇપ 2 ડાયાબિટીઝ વિશે વધુ માહિતગાર કરવાનો છે અને તે તમારૂં આરોગ્ય સુધારવામાં મદદરૂપ હોવાનું ક્લિનિકલી સાબિત થયેલું છે.

હેલ્ધી લિવિંગ તમારા ફોન, ટેબ્લેટ અથવા કોમ્પ્યુટર પર ઘરે, કામ પર અથવા મુસાફરી દરમિયાન માહિતી આપે છે, જેથી તમે ગમે ત્યાં હોવ તો પણઃ

ત્યાં તમારા ટાઇપ 2 ડાયાબિટીઝની સંભાળ રાખવામાં આત્મવિશ્વાસ અનુભવી શકો

તમારી આરોગ્યની સ્થિતિની લાગણીશીલ અસરને કાબુમાં રાખી શકો

આરોગ્યપ્રદ સાઉથ એશિયન ભોજન બનાવવા માટેના માર્ગદર્શન સહિત સારી રીતે આહાર લેવા માટેનું માર્ગદર્શન મેળવી શકો

તંદુરસ્તી માટે આરોગ્યપ્રદ વજન હાંસલ કરી શકો અને જાળવી શકો

તંદુરસ્ત જીવનશૈલીની પસંદગી કરવા માટે પ્રેરણાત્મકતા અનુભવો

આ પ્રોગ્રામ વિવિધ મોડ્યુલ્સમાં વિભાજિત કરાયો છે, જેથી તમે એક સેશનમાં ઇચ્છો એટલી આઇટમ્સ પસંદ કરી શકો.